(ستكون هذه التدوينة باللهجة الإماراتية بشكل كامل)
من وين ابدا…
أحس أني خلااااص… وصلت مرحلة الأنهياااااار
تعبت من دوامي …. تعبببببت
قاصين علي هالمسؤولين….. تعرفين يا ماتريوشكا، أنتي بالتحديد من أحسن موظفينا.. لهالسبب أحنا نقلناااااج، لأن عارفين أنج قدها …. فلا تغيرين صورتج إلي راسمينها في عقولنا!!!!
بصيح خلااااص…. على قولة المصريين، أسمع كلامك اصدقك.. أشوف أفعالك استغرب!!!!!
كله كوم و الإيميل إلي وصلني من الجهة إلي قدمت عليها في بوظبي… وافقوا علي لكن الشاغر اختفى بقدرة قادر!!!! الحمدلله على كل حال! شي غريب و الله! و الله بهج من المكان كله و بسير بوظبي بس علشان اشرد من هالدوااام… و بوم بغيت اهج… قدمت على مكان فيه المسؤولين انعجبوا بشغلي و الأشيا إلي انجزتها….. ساعة و نص انترفيوو! آخرتها…. الإدارة وافقت.. لكن الشاغر اتكنسل!!! معقول هالشي و لا السالفة يبالها واسطات!؟؟
قدر الله و ما شاء فعل….. يا رب لك الحمد على كل حال…و صبرا جميل و الله المستعان……
احسني صايرة مثل سنفور غضبان…اتحيدونه؟ هذا إلي طول الوقت يقول…(أنا أكره السنافر!)
وايد صايرة ايموشنال…..
ابا آخذ اجازة لمدة 6 شهور….. استقيل و ايلس في البيت … أعيش مرحلة نقاهة من المراكض على الدوام و مشاكله… و عقب هالست شهور… اشتغل في مكان دوامه إلين 2:30 (يعني وزارة اتحادية!!) و يا حي الحياة!
ارد البيت 3.. اتغدا و أريح… اشترك في نادي علشان امارس اليوغا و السباحة….. بعدين ارد البيت الساعة 6… آخذ شاور… اقرا كتاب….. و اسوي اشيا ما اسويها ألحين لأن الدوام يمتص كل طاقتي!!!!!!
يارب يارب يارب يارب…. يسّر لي يارب…ارجوووك يارب
أين أنت يا أنكيدو:(
شكرا على المرور يا بلا حدود:)